Retour aux chapitres

Retour à la page principale

La Bible en fongbe

Tíntɔ́n 35 - Exode 35

Fongbè : MAWUXÓWÉMA — Alliance biblique du Bénin, 2012. Français : Louis Segond 1910. Les références propres à chaque édition sont indiquées lorsque leur découpage diffère.

Fongbè 35.1
Mɔyízi kplé Izlayɛ́li ví lɛ́ɛ bǐ, bó ɖɔ nú yě ɖɔ: “Nǔ e Mawu Mavɔmavɔ ɖɔ mi ɖó ná nɔ́ wa lɛ́ɛ ɖíe:
Français 35.1
Moïse convoqua toute l’assemblée des enfants d’Israël, et leur dit: Voici les choses que l’Éternel ordonne de faire.

Fongbè 35.2
Azǎn ayizɛ́n wɛ è nǎ nɔ́ dó wa azɔ̌ ná, amɔ̌, azǎn tɛ́nwegɔ́ ɔ́ ná nyí Sabáa, gbɔjɛzán ɔ́, bɔ mi ɖó ná zé ɖó vo nú Mawu Mavɔmavɔ. Mɛ ɖé wa azɔ̌ gbe énɛ́ gbe ɔ́, è nǎ hu mɛ ɔ́.
Français 35.2
On travaillera six jours; mais le septième jour sera pour vous une chose sainte; c’est le sabbat, le jour du repos, consacré à l’Éternel. Celui qui fera quelque ouvrage ce jour-là, sera puni de mort.

Fongbè 35.3
Mi ná ɖa nǔ vɔ́vɔ́ ɖo gbɔjɛzán ɔ́ gbe ɖo fí e mi ná ɖe lɛ́ɛ ɖěbǔ ǎ.”
Français 35.3
Vous n’allumerez point de feu, dans aucune de vos demeures, le jour du sabbat.

Fongbè 35.4
Mɔyízi lɛ́ ɖɔ nú Izlayɛ́li ví lɛ́ɛ bǐ ɖɔ: “Nǔ e Mawu Mavɔmavɔ ɖɔ mi ɖó ná nɔ́ wa lɛ́ɛ ɖíe:
Français 35.4
Moïse parla à toute l’assemblée des enfants d’Israël, et dit: Voici ce que l’Éternel a ordonné.

Fongbè 35.5
Nǔ e mi ɖó lɛ́ɛ ɔ́, mi ná sɔ́ ɖě, bó ná ná Mawu Mavɔmavɔ. Mɛ e ɖó jlǒ ɖagbe, bó ná bló lɛ́ɛ ɔ́, yě ná hɛn nǔ alɔkpa alɔkpa wá nú Mawu Mavɔmavɔ. Yě ná hɛn siká, kpatágan, ganvɔ.
Français 35.5
Prenez sur ce qui vous appartient une offrande pour l’Éternel. Tout homme dont le cœur est bien disposé apportera en offrande à l’Éternel: de l’or, de l’argent et de l’airain;

Fongbè 35.6
Avɔ kwlésinnɔ, avɔ vɔvɔ, avɔ vɔvɔ cɛ́cɛ́, lɛ̌ɛnkanvɔ ɖagbe ɖagbe kpódó gbɔ̌fúnvɔ kpó.
Français 35.6
des étoffes teintes en bleu, en pourpre, en cramoisi, du fin lin et du poil de chèvre;

Fongbè 35.7
Yě ná hɛn agbonyú e è sá nǔ vɔvɔ dó é, anyǔ tlitli lɛ́ɛ kpó kasyatín kpó.
Français 35.7
des peaux de béliers teintes en rouge et des peaux de dauphins; du bois d’acacia;

Fongbè 35.8
Ami e è nǎ dó zogbɛ́n lɛ́ɛ mɛ é, atínkɛn wǎnɖagbenɔ e è nǎ dǒ bló ami mímɛ́ wǎnɖagbenɔ e è nǎ sá nú mɛ, dó ɖe mɛ ɖó vo nú mì é, bó ná lɛ́ hɛn zǎlínkpɔ́n.
Français 35.8
de l’huile pour le chandelier, des aromates pour l’huile d’onction et pour le parfum odoriférant;

Fongbè 35.9
Yě ná lɛ́ hɛn awǐnnya ɖagbe ɖagbe e è nɔ ylɔ́ ɖɔ Onísi ɔ́, kpódó awǐnnya ɖěvo lɛ́ɛ kpó, bɔ è nǎ to ɖó efódu ɔ́ kpódó akɔ́ntakpo ɔ́ kpó wú.
Français 35.9
des pierres d’onyx et d’autres pierres pour la garniture de l’éphod et du pectoral.

Fongbè 35.10
Alɔnuzɔ́watɔ́ e ɖo mi mɛ, bɔ alɔnu yětɔn mɛ́ ganjí lɛ́ɛ bǐ ná kplé, bó ná bló nǔ e Mawu Mavɔmavɔ ɖɔ è nǐ bló lɛ́ɛ bǐ.
Français 35.10
Que tous ceux d’entre vous qui ont de l’habileté viennent et exécutent tout ce que l’Éternel a ordonné:

Fongbè 35.11
Nǔ élɔ́ lɛ́ɛ wɛ nyí Mawu xwé ɔ́: goxɔ ɔ́, avɔ e è nǎ cyɔ́n dó lɛ́ɛ, nǔhɛnnú lɛ́ɛ, xwlɛ lɛ́ɛ, wɛ̌n lɛ́ɛ, dotín lɛ́ɛ kpódó afɔ lɛ́ɛ kpó.
Français 35.11
le tabernacle, sa tente et sa couverture, ses agrafes, ses planches, ses barres, ses colonnes et ses bases;

Fongbè 35.12
Akɔjijɛgbá ɔ́, kpo tɔn lɛ́ɛ, nusú tɔn kpó xɔmɛgbovɔ ɔ́ kpó.
Français 35.12
l’arche et ses barres, le propitiatoire, et le voile pour couvrir l’arche;

Fongbè 35.13
Távo ɔ́, kpo tɔn lɛ́ɛ, nǔ e è nɔ zán ɖo távo ɔ́ jí lɛ́ɛ bǐ kpódó wɔ̌xúxú e è xwlé Mawu lɛ́ɛ kpó.
Français 35.13
la table et ses barres, et tous ses ustensiles, et les pains de proposition;

Fongbè 35.14
Zogbɛ́nhɛnnú ɔ́ kpó nǔ e è nɔ bló myɔ ɖó ná lɛ́ɛ kpó, zogbɛ́n lɛ́ɛ kpó ami e è nǎ dó tá myɔ ná ɔ́ kpó.
Français 35.14
le chandelier et ses ustensiles, ses lampes, et l’huile pour le chandelier;

Fongbè 35.15
Vɔ̌sákpe e jí è nɔ dó zǎlínkpɔ́n zo ɖe é, kpo tɔn lɛ́ɛ, ami e è nɔ sá nú mɛ dó ɖe mɛ ɖó vo nú mì é, célu wǎnɖagbenɔ kpó avɔ e è dǒ ɖó goxɔ ɔ́ sín hɔnlinu é kpó.
Français 35.15
l’autel des parfums et ses barres, l’huile d’onction et le parfum odoriférant, et le rideau de la porte pour l’entrée du tabernacle;

Fongbè 35.16
Vɔ̌sákpe e jí è nɔ dó vɔ̌ zo ɖe é, kpó ganja tɔn e è zě ganvɔ dó bló ná é kpó, gankpo tɔn lɛ́ɛ kpódó nǔ e è nɔ zán ɖo vɔ̌sákpe ɔ́ kɔn lɛ́ɛ bǐ kpó, basya ɔ́ kpó nǔ e jí é nɔ́ nɔ ɔ́ kpó.
Français 35.16
l’autel des holocaustes, sa grille d’airain, ses barres, et tous ses ustensiles; la cuve avec sa base;

Fongbè 35.17
Avɔ e è ɖe nǔ d'é mɛ bɔ è dǒ xá xwé ɔ́ lɛ́ɛ kpó dotín yětɔn lɛ́ɛ kpó, afɔ yětɔn lɛ́ɛ kpó avɔ e è dǒ ɖó xwé ɔ́ sín hɔntogbó nu ɔ́ kpó.
Français 35.17
les toiles du parvis, ses colonnes, ses bases, et le rideau de la porte du parvis;

Fongbè 35.18
Goxɔ ɔ́ sín só lɛ́ɛ kpó ée è xá xwé ɔ́ ná lɛ́ɛ kpó, kpódó kan yětɔn lɛ́ɛ kpó,
Français 35.18
les pieux du tabernacle, les pieux du parvis, et leurs cordages; les vêtements d’office pour le service dans le sanctuaire,

Fongbè 35.19
kpó azɔ̌wu e nyí vɔ̌sánú-xwlémawutɔ́ Aalɔ́ɔn tɔn lɛ́ɛ kpó, kpódó awu e nyí Aalɔ́ɔn sín vǐ súnnu lɛ́ɛ tɔn bɔ yě nɔ́ dó dó wa sinsɛnzɔ́ yětɔn ná lɛ́ɛ kpó.”
Français 35.19
les vêtements sacrés pour le sacrificateur Aaron, et les vêtements de ses fils pour les fonctions du sacerdoce.

Fongbè 35.20
Ée Mɔyízi ɖɔ xó fó ɔ́, Izlayɛ́li ví lɛ́ɛ bǐ gosín gɔ̌n tɔn.
Français 35.20
Toute l’assemblée des enfants d’Israël sortit de la présence de Moïse.

Fongbè 35.21
Énɛ́ ɔ́ gúdo ɔ́, Izlayɛ́li ví e ayi ɖɔ xó ná, bɔ yě ɖǒ jlǒ ɖagbe lɛ́ɛ bǐ wá bó hɛn nǔ wá nú Mawu Mavɔmavɔ nú è nǎ dó bló goxɔ e mɛ Mawu nǎ nɔ́ wá kpé yě ɖe ɔ́ ná, kpó nǔ e è nǎ nɔ́ dó sɛn ɛ ná lɛ́ɛ kpó, kpódó nǔ e è nǎ dǒ tɔ vɔ̌sánú-xwlémawutɔ́ sín awu lɛ́ɛ ná lɛ́ɛ kpó.
Français 35.21
Tous ceux qui furent entraînés par le cœur et animés de bonne volonté vinrent et apportèrent une offrande à l’Éternel pour l’œuvre de la tente d’assignation, pour tout son service, et pour les vêtements sacrés.

Fongbè 35.22
Súnnu kpó nyɔ̌nu kpó wɛ wá; yě mɛ e ɖó jlǒ ɖagbe lɛ́ɛ bǐ wɛ hɛn nǔ e è nɔ sɔ́ ɖó awu wú lɛ́ɛ, tógbé lɛ́ɛ, alɔgan lɛ́ɛ kpódó kɔjɛ́ lɛ́ɛ kpó wá nú Mawu Mavɔmavɔ. Nǔ é nɛ́ lɛ́ɛ bǐ wɛ nyí sikánú. Mɛ ɖokpó ɖokpó nɔ́ sɔ́ jó lě e è nɔ bló gbɔn bó nɔ́ sɔ́ nǔ jó nú Mawu Mavɔmavɔ é.
Français 35.22
Les hommes vinrent aussi bien que les femmes; tous ceux dont le cœur était bien disposé apportèrent des boucles, des anneaux, des bagues, des bracelets, toutes sortes d’objets d’or; chacun présenta l’offrande d’or qu’il avait consacrée à l’Éternel.

Fongbè 35.23
Mɛ e ɖó avɔ kwlésinnɔ, avɔ vɔvɔ, avɔ vɔvɔ cɛ́cɛ́, lɛ̌ɛnkanvɔ ɖagbe ɖagbe, gbɔ̌fúnvɔ, agbonyú e è sá nǔ vɔvɔ dó lɛ́ɛ kpódó anyǔ tlitli lɛ́ɛ kpó bǐ hɛn wá.
Français 35.23
Tous ceux qui avaient des étoffes teintes en bleu, en pourpre, en cramoisi, du fin lin et du poil de chèvre, des peaux de béliers teintes en rouge et des peaux de dauphins, les apportèrent.

Fongbè 35.24
Mɛ e zé kpatágan abǐ ganvɔ ɖó vo nú Mawu Mavɔmavɔ lɛ́ɛ bǐ bɛ́ wá. Mɛ e ɖó kasyatín bɔ è hɛn ɔ́, è nǎ zán nú xɔzɔ́ ɔ́ lɛ́ɛ bɛ́ wá.
Français 35.24
Tous ceux qui présentèrent par élévation une offrande d’argent et d’airain apportèrent l’offrande à l’Éternel. Tous ceux qui avaient du bois d’acacia pour les ouvrages destinés au service, l’apportèrent.

Fongbè 35.25
Nyɔ̌nu e alɔnu yětɔn mɛ́ ganjí lɛ́ɛ bǐ hɛn avɔ e yě lɔn lɛ́ɛ wá: yě hɛn avɔ kwlésinnɔ, avɔ vɔvɔ, avɔ vɔvɔ cɛ́cɛ́, kpó lɛ̌ɛnkanvɔ ɖagbe ɖagbe kpó.
Français 35.25
Toutes les femmes qui avaient de l’habileté filèrent de leurs mains, et elles apportèrent leur ouvrage, des fils teints en bleu, en pourpre, en cramoisi, et du fin lin.

Fongbè 35.26
Nyɔ̌nu ɖěvo e alɔnu yětɔn mɛ́ ganjí bɔ yě tunwun acɔ́ ɖó jlǒ ɖagbe, bó nyɔ́ avɔ lɔn ganjí lɛ́ɛ bǐ lɔn gbɔ̌fúnvɔ.
Français 35.26
Toutes les femmes dont le cœur était bien disposé, et qui avaient de l’habileté, filèrent du poil de chèvre.

Fongbè 35.27
Gǎn e ɖo togun ɔ́ mɛ lɛ́ɛ hɛn awǐnnya ɖagbe ɖagbe e è nɔ ylɔ́ ɖɔ Onísi ɔ́ lɛ́ɛ, kpódó awǐnnya ɖagbe ɖagbe ɖěvo lɛ́ɛ kpó wá nú è nǎ to ɖó efódu ɔ́ kpó akɔ́ntakpo ɔ́ kpó wú.
Français 35.27
Les principaux du peuple apportèrent des pierres d’onyx et d’autres pierres pour la garniture de l’éphod et du pectoral;

Fongbè 35.28
Yě hɛn atínkɛn wǎnɖagbenɔ lɛ́ɛ kpó ami kpó, bɔ è nǎ dǒ bló ami e è nɔ dó zogbɛ́n mɛ é kpó ami e è nɔ sá nú mɛ dó ɖe mɛ ɖó vo nú mì é kpó zǎlínkpɔ́n kpó.
Français 35.28
des aromates et de l’huile pour le chandelier, pour l’huile d’onction et pour le parfum odoriférant.

Fongbè 35.29
Izlayɛ́li ví súnnu kpó nyɔ̌nu kpó e ɖó jlǒ ɖagbe bó ná jɔ fún dó azɔ̌ e Mawu Mavɔmavɔ zɔ́n gbɔn Mɔyízi jí lɛ́ɛ mɛ lɛ́ɛ bǐ hɛn nǔ wá nú Mawu Mavɔmavɔ kpó yě ɖésúnɔ sín jlǒ kpó.
Français 35.29
Tous les enfants d’Israël, hommes et femmes, dont le cœur était disposé à contribuer pour l’œuvre que l’Éternel avait ordonnée par Moïse, apportèrent des offrandes volontaires à l’Éternel.

Fongbè 35.30
Mɔyízi ɖɔ nú Izlayɛ́li ví lɛ́ɛ ɖɔ: “Mi ní tunwun ɖɔ Mawu Mavɔmavɔ sɔ́ mɛ ɖé nú azɔ̌ énɛ́ ɔ́: Besalɛli, Wulíi ví, Húu vívú ɔ́ wɛ; akɔta Judáa tɔn ɔ́ mɛ wɛ é jɔ ɖe.
Français 35.30
Moïse dit aux enfants d’Israël: Sachez que l’Éternel a choisi Betsaleel, fils d’Uri, fils de Hur, de la tribu de Juda.

Fongbè 35.31
É ná ɛ Yɛ tɔn bɔ é gɔ́ ayi tɔn mɛ, bɔ é bí bó ná mɔ nukúnnú jɛ nǔ mɛ titewungbe. É ná tunwun azɔ̌ xwítíxwítí alɔkpa bǐ.
Français 35.31
Il l’a rempli de l’Esprit de Dieu, de sagesse, d’intelligence, et de savoir pour toutes sortes d’ouvrages.

Fongbè 35.32
Mawu Mavɔmavɔ bló bɔ é nyɔ́ tito lɛ́ɛ bló, é nyɔ́ siká sín azɔ̌ wa, bó nyɔ́ kpatágan kpó ganvɔ kpó sín azɔ̌ wa;
Français 35.32
Il l’a rendu capable de faire des inventions, de travailler l’or, l’argent et l’airain,

Fongbè 35.33
é nyɔ́ awǐnnya ɖagbe ɖagbe lɛ́ɛ kpa, bó nyɔ́ to dó nǔ mɛ; é nyɔ́ atín kpa; nú mǐ nǎ ɖɔ ɔ́, Mawu Mavɔmavɔ bló bɔ é nyɔ́ nǔ bǐ wa.
Français 35.33
de graver les pierres à enchâsser, de travailler le bois, et d’exécuter toutes sortes d’ouvrages d’art.

Fongbè 35.34
Besalɛli nɛ́ ɔ́ wɛ Mawu Mavɔmavɔ ná Yɛ e nɔ kplɔ́n nǔ mɛ é; é ná Yɛ ɖokpó énɛ́ ɔ́ Oxoliyavu; Oxoliyavu ɔ́ Axisamaki ví wɛ. Akɔta Dan tɔn ɔ́ mɛ wɛ é jɔ ɖe.
Français 35.34
Il lui a accordé aussi le don d’enseigner, de même qu’à Oholiab, fils d’Ahisamac, de la tribu de Dan.

Fongbè 35.35
Ée Mawu Mavɔmavɔ ná nǔnywɛ́ yě bɔ é gɔ́ ayi yětɔn mɛ mɔ̌ ɔ́, yě ná nɔ wa azɔ̌ alɔkpa alɔkpa lɛ́ɛ bǐ: yě ná nɔ kpa awǐnnya ɖagbe ɖagbe lɛ́ɛ, yě ná nɔ ɖe nǔ dó avɔ mɛ, yě ná nɔ́ kó avɔ kwlésinnɔ, avɔ vɔvɔ, avɔ vɔvɔ cɛ́cɛ́; yě ná nɔ kó lɛ̌ɛnkanvɔ , yě ná nɔ́ lɔn avɔ, bó ná nɔ́ wa azɔ̌ tɛnmɛ tɛnmɛ lɛ́ɛ abǐ yě ná nɔ́ dó nǔ lɛ́ɛ wá.
Français 35.35
Il les a remplis d’intelligence, pour exécuter tous les ouvrages de sculpture et d’art, pour broder et tisser les étoffes teintes en bleu, en pourpre, en cramoisi, et le fin lin, pour faire toute espèce de travaux et d’inventions.