Retour aux chapitres
Retour à la page principale
Fongbè : MAWUXÓWÉMA — Alliance biblique du Bénin, 2012. Français : Louis Segond 1910. Les références propres à chaque édition sont indiquées lorsque leur découpage diffère.
Fongbè 4.1
Vǐ ce lɛ́ɛ mi, mi ɖótó nǔ e kplɔ́n mi wɛ tɔ́ mitɔn ɖe é. Mi ɖótó te ganjí bó ná dó mɔ nukúnnú jɛ nǔ mɛ,
Français 4.1
Écoutez, mes fils, l’instruction d’un père, Et soyez attentifs, pour connaître la sagesse;
Fongbè 4.2
ɖó nǔ ɖagbe kplɔ́n mi wɛ un ɖe. Mi ma hɔn xó ce lɛ́ɛ nyi gbě ó.
Français 4.2
Car je vous donne de bons conseils: Ne rejetez pas mon enseignement.
Fongbè 4.3
Hwenu e un ɖo vǔ ɔ́, nɔ ce yí wǎn nú mì ɖésú vǐ ɖokpónɔ ɖɔhun; tɔ́ ce nɔ́ ɖo nǔ kplɔ́n mì wɛ;
Français 4.3
J’étais un fils pour mon père, Un fils tendre et unique auprès de ma mère.
Fongbè 4.4
é nɔ́ ɖɔ: “Hɛn xó ce lɛ́ɛ ayi mɛ, xwedó nǔ e un ɖɔ nú we lɛ́ɛ; énɛ́ ɔ́, a nǎ nɔ gbɛ.
Français 4.4
Il m’instruisait alors, et il me disait: Que ton cœur retienne mes paroles; Observe mes préceptes, et tu vivras.
Fongbè 4.5
Yǐ nǔnywɛ́, ɖǒ nukúnnú mɔ jɛ nǔ mɛ. Ma wɔn xó e ɖɔ nú we wɛ un ɖe lɛ́ɛ ó. Ma dó vɛ̌ nú xó e nɔ́ gosín nu ce mɛ lɛ́ɛ ó.
Français 4.5
Acquiers la sagesse, acquiers l’intelligence; N’oublie pas les paroles de ma bouche, et ne t’en détourne pas.
Fongbè 4.6
Ma jó nǔnywɛ́ dó ó, é ná hɛn we; yí wǎn nú nǔnywɛ́, é ná nya xɛ ɖo jǐ we.
Français 4.6
Ne l’abandonne pas, et elle te gardera; Aime-la, et elle te protégera.
Fongbè 4.7
Fí e nǔnywɛ́ bɛ́ sín ɔ́ ɖíe: Nɔ yí nǔnywɛ́, bɛ̌ nǔ e ɖo así towe lɛ́ɛ bǐ jó dó yí nukúnnú mɔ jɛ nǔ mɛ.
Français 4.7
Voici le commencement de la sagesse: Acquiers la sagesse, Et avec tout ce que tu possèdes acquiers l’intelligence.
Fongbè 4.8
Sɔ́ nǔnywɛ́ ɖó tɛn ɖaxó mɛ; énɛ́ ɔ́, é ná sɔ́ we d'aga. A kplá así kɔ n'i ɔ́, é ná wlí yɛ̌yi nú we.
Français 4.8
Exalte-la, et elle t’élèvera; Elle fera ta gloire, si tu l’embrasses;
Fongbè 4.9
É ná sɔ́ jɛ̌gbákún ɖo ta nú we; é ná sɔ́ axɔ́súwuntun ɖó ta nú we.”
Français 4.9
Elle mettra sur ta tête une couronne de grâce, Elle t’ornera d’un magnifique diadème.
Fongbè 4.10
Vǐ ce, ɖǒtó mì, se xó ce lɛ́ɛ; énɛ́ ɔ́, xwe ná jɛ xwe jí nú we.
Français 4.10
Écoute, mon fils, et reçois mes paroles; Et les années de ta vie se multiplieront.
Fongbè 4.11
Un xlɛ́ nǔnywɛ́ sín ali we, un kplá we ɖó nǔjlɔ́jlɔ́wiwa sín ali jí.
Français 4.11
Je te montre la voie de la sagesse, Je te conduis dans les sentiers de la droiture.
Fongbè 4.12
A ɖo yiyi wɛ ɔ́, a nǎ klɛ́n afɔ ǎ; a ɖo wezun jí ɔ́, a nǎ nyi afɔ dǎmɛ ǎ.
Français 4.12
Si tu marches, ton pas ne sera point gêné; Et si tu cours, tu ne chancelleras point.
Fongbè 4.13
Hɛn nǔ e a kplɔ́n é, ma jó dó ó; hɛn dó wǔ syɛ́nsyɛ́n, ɖó é wɛ nyí gbɛ towe.
Français 4.13
Retiens l’instruction, ne t’en dessaisis pas; Garde-la, car elle est ta vie.
Fongbè 4.14
Ma sɔ́ mɛdídá lɛ́ɛ sín ali ó; ma gbɔn mɛ nyanya lɛ́ɛ sín ali jí ó.
Français 4.14
N’entre pas dans le sentier des méchants, Et ne marche pas dans la voie des hommes mauvais.
Fongbè 4.15
Ma lɔn bo sɔ́ ali énɛ́ gbeɖé ó, gbɔn zɔ ná.
Français 4.15
Évite-la, n’y passe point; Détourne-t’en, et passe outre.
Fongbè 4.16
Mɛ énɛ́ lɛ́ɛ má dó nǔ nyanya sin ǎ ɔ́, yě nɔ́ dɔ́ amlɔ ǎ. Gbɛtɔ́ má jɛ ayǐ dó alɔ yětɔn kɔ ǎ ɔ́, adɔ̌ wɛ nɔ vɛ́ yě.
Français 4.16
Car ils ne dormiraient pas s’ils n’avaient fait le mal, Le sommeil leur serait ravi s’ils n’avaient fait tomber personne;
Fongbè 4.17
Adǎka e yě nɔ́ xo ɔ́ wɛ nyí nǔɖuɖu yětɔn; alǎnnú e yě nɔ́ wa ɔ́ wɛ nyí vɛ̌ɛn bɔ yě nɔ́ nu.
Français 4.17
Car c’est le pain de la méchanceté qu’ils mangent, C’est le vin de la violence qu’ils boivent.
Fongbè 4.18
Mɛ e nɔ wa nǔ jlɔ́jlɔ́ lɛ́ɛ sín ali cí wěziza zǎnzǎn tɔn ɖɔhun; é nɔ́ ɖo hǐnhɔ́n wɛ, é nɔ́ ɖo hǐnhɔ́n wɛ káká bó nɔ́ wá hɔ́n bǐ, bó nɔ́ cí wěziza hwemɛ tɔn ɖɔhun.
Français 4.18
Le sentier des justes est comme la lumière resplendissante, Dont l’éclat va croissant jusqu’au milieu du jour.
Fongbè 4.19
Mɛdídá lɛ́ɛ sín ali ka cí ablu ɖɔhun; yě nɔ́ tunwun nǔ e ɖo yě ná zindɛ́ wɛ é ǎ.
Français 4.19
La voie des méchants est comme les ténèbres; Ils n’aperçoivent pas ce qui les fera tomber.
Fongbè 4.20
Vǐ ce, ɖǒtó xó ce; xó e ɖɔ wɛ un ɖe lɛ́ɛ ɔ́, ɖǒtó te ganjí bó se.
Français 4.20
Mon fils, sois attentif à mes paroles, Prête l’oreille à mes discours.
Fongbè 4.21
Ma nú xó énɛ́ lɛ́ɛ nɔ zɔ nú we ó, hɛn yě dó ayi towe mɛ syɛ́nsyɛ́n,
Français 4.21
Qu’ils ne s’éloignent pas de tes yeux; Garde-les dans le fond de ton cœur;
Fongbè 4.22
ɖó xó énɛ́ lɛ́ɛ wɛ nɔ ná gbɛ mɛ e nɔ yí yě lɛ́ɛ, bó nɔ́ hɛn lanmɛ yětɔn ɖó ganjí.
Français 4.22
Car c’est la vie pour ceux qui les trouvent, C’est la santé pour tout leur corps.
Fongbè 4.23
Hɛn ayi towe hú nǔ bǐ, ɖó fí e gbɛ towe sín azinkan ɖe ɔ́ nɛ́.
Français 4.23
Garde ton cœur plus que toute autre chose, Car de lui viennent les sources de la vie.
Fongbè 4.24
Ma dó nu adingbanxó mɛ ó, ma nɔ ɖɔ mɛ nǔ ó;
Français 4.24
Écarte de ta bouche la fausseté, Éloigne de tes lèvres les détours.
Fongbè 4.25
a ɖo gbɛtɔ́ ná kpɔ́n wɛ hǔn, nɔ kpɔ́n nukún tɔn mɛ tlɔlɔ, nɔ́ kpan nukɔn mɛ ɔ́ ganjí bó nɔ́ kpɔ́n ɛ.
Français 4.25
Que tes yeux regardent en face, Et que tes paupières se dirigent devant toi.
Fongbè 4.26
Cóbónú a nǎ sɔ́ ali ɖé hǔn, nɔ lin tamɛ kpɔ́n ganjí; ali e ɖó gǎnjɛwú é wɛ a nǎ mlɛ́.
Français 4.26
Considère le chemin par où tu passes, Et que toutes tes voies soient bien réglées;
Fongbè 4.27
Ma zɛ dó aɖisí ó, ma ka zɛ dó amyɔ ó. Nɔ zɔ nú nǔ nyanya.
Français 4.27
N’incline ni à droite ni à gauche, Et détourne ton pied du mal.