Retour aux chapitres
Retour à la page principale
Fongbè : MAWUXÓWÉMA — Alliance biblique du Bénin, 2012. Français : Louis Segond 1910. Les références propres à chaque édition sont indiquées lorsque leur découpage diffère.
Fongbè 105.1
Mi kpa Mawu Mavɔmavɔ, mi sú xó bó ɖɔ é wɛ nyí Mawu. Mi jlá nǔ ɖaxó ɖaxó e é bló lɛ́ɛ nú togun lɛ́ɛ.
Français 105.1
Louez l’Éternel, invoquez son nom! Faites connaître parmi les peuples ses hauts faits!
Fongbè 105.2
Mi ji han, mi ɖɔ xó lómílómí dó kpa susu n'i, mi ɖɔ nǔ ɖagbe ɖagbe e é bló lɛ́ɛ bǐ.
Français 105.2
Chantez, chantez en son honneur! Parlez de toutes ses merveilles!
Fongbè 105.3
Mi sɔ́ nyǐkɔ mímɛ́ tɔn dó xɔ susu. Mɛ e ɖo Mawu Mavɔmavɔ ba wɛ lɛ́ɛ ní j'awǎ.
Français 105.3
Glorifiez-vous de son saint nom! Que le cœur de ceux qui cherchent l’Éternel se réjouisse!
Fongbè 105.4
Mi hɔn yi su Mawu Mavɔmavɔ; Mawu Mavɔmavɔ ɖó hlɔ̌nhlɔ́n. Mi nɔ ba ná nɔ kpɔ́ xá ɛ hwebǐnu.
Français 105.4
Ayez recours à l’Éternel et à son appui, Cherchez continuellement sa face!
Fongbè 105.5
Mi flín nǔjíwǔ e é bló lɛ́ɛ, mi flín nǔ e é jlɛ́ lɛ́ɛ kpó hwɛ e é ɖɔ lɛ́ɛ kpó.
Français 105.5
Souvenez-vous des prodiges qu’il a faits, De ses miracles et des jugements de sa bouche,
Fongbè 105.6
Mɛsɛntɔ́ tɔn Ablaxámu ví lɛ́ɛ mi, Jakɔ́bu ví e Mawu Mavɔmavɔ cyán lɛ́ɛ mi, mi flín nǔ énɛ́ lɛ́ɛ e é wa lɛ́ɛ.
Français 105.6
Postérité d’Abraham, son serviteur, Enfants de Jacob, ses élus!
Fongbè 105.7
Mawu Mavɔmavɔ wɛ nyí Mawu mǐtɔn. É wɛ nɔ́ ɖɔ hwɛ dó nǔ e ɖo ayǐkúngban jí lɛ́ɛ bǐ.
Français 105.7
L’Éternel est notre Dieu; Ses jugements s’exercent sur toute la terre.
Fongbè 105.8
Akɔ e é jɛ xá togun tɔn ɔ́, é nɔ́ flín tɛgbɛ, mi nɔ́ flín akpá e é dó é káká nú jijimɛ afatɔ́n (1.000).
Français 105.8
Il se rappelle à toujours son alliance, Ses promesses pour mille générations,
Fongbè 105.9
Mi flín akɔ e é jɛ xá Ablaxámu é, mi flín akpá e é dó nú Izáki é.
Français 105.9
L’alliance qu’il a traitée avec Abraham, Et le serment qu’il a fait à Isaac;
Fongbè 105.10
É lɛ́ vɔ́ tɛ ɖɛ̌ jí nú Jakɔ́bu, é wɛ nyí akɔ mavɔ mavɔ e é jɛ xá Izlayɛ́li é.
Français 105.10
Il l’a érigée pour Jacob en loi, Pour Israël en alliance éternelle,
Fongbè 105.11
Akɔ e é jɛ xá Izlayɛ́li bó ɖɔ n'i ɖɔ: “Un na ná Kanáa to ɔ́ we, bɔ é ná nyí towe, nǔ e un ná hwi kpó vǐ towe lɛ́ɛ kpó ɔ́ nɛ́.”
Français 105.11
Disant: Je te donnerai le pays de Canaan Comme héritage qui vous est échu.
Fongbè 105.12
Hwenɛ́nu ɔ́, yě ká sukpɔ́ ǎ. Yě sukpɔ́ ɖěbǔ ǎ, yě nyí jǒnɔ ɖo to ɔ́ mɛ,
Français 105.12
Ils étaient alors peu nombreux, Très peu nombreux, et étrangers dans le pays,
Fongbè 105.13
yě gosín akɔta ɖě mɛ ɔ́, yě nɔ́ yi ɖěvo mɛ, yě gosín axɔ́súɖuto ɖě mɛ ɔ́, yě nɔ́ yi ɖěvo mɛ.
Français 105.13
Et ils allaient d’une nation à l’autre Et d’un royaume vers un autre peuple;
Fongbè 105.14
Mawu ka lɔn nú mɛɖé táfú yě ǎ, é dɔn tó nú axɔ́sú lɛ́ɛ ɖó yě wú,
Français 105.14
Mais il ne permit à personne de les opprimer, Et il châtia des rois à cause d’eux:
Fongbè 105.15
bó ɖɔ nú yě ɖɔ: “Mi ma ɖó alɔ mɛ e un cyán lɛ́ɛ wú ó. Mi ma wa nǔ nyanya xá gbeyíɖɔ ce lɛ́ɛ ó.”
Français 105.15
Ne touchez pas à mes oints, Et ne faites pas de mal à mes prophètes!
Fongbè 105.16
É sɛ́ adɔ dó to ɔ́ mɛ, é sú lě e yě ná wa gbɔn bó nɔ gbɛ ɔ́ bǐ sín ali dó yě.
Français 105.16
Il appela sur le pays la famine, Il coupa tout moyen de subsistance.
Fongbè 105.17
É sɛ́ mɛ ɖokpó dó yě: Jozɛ́fu wɛ nyí mɛ e é sɛ́ dó é, è ka wa sa kannumɔ tɔn.
Français 105.17
Il envoya devant eux un homme: Joseph fut vendu comme esclave.
Fongbè 105.18
È dǒ gɛdɛ ɛ, è dǒ kan kɔ n'i,
Français 105.18
On serra ses pieds dans des liens, On le mit aux fers,
Fongbè 105.19
káká jɛ hwenu e xó e é se ɖo Mawu Mavɔmavɔ nu é ná ɖe mɛ alɔkpa e é nyí é xlɛ́ é.
Français 105.19
Jusqu’au temps où arriva ce qu’il avait annoncé, Et où la parole de l’Éternel l’éprouva.
Fongbè 105.20
Axɔ́sú ɔ́ ná gbe bɔ è tún i; mɛ e kpa acɛ ɖo to ɔ́ mɛ ɔ́ ná gbe bɔ è ɖe e nyi te.
Français 105.20
Le roi fit ôter ses liens, Le dominateur des peuples le délivra.
Fongbè 105.21
É sɔ́ ɛ gǎn ɖó to tɔn nu, é sɔ́ ɛ ɖó dɔkun tɔn lɛ́ɛ nu,
Français 105.21
Il l’établit seigneur sur sa maison, Et gouverneur de tous ses biens,
Fongbè 105.22
bónú é ná sixú nɔ gǎn hɔn-yitɔ́ tɔn lɛ́ɛ nu, bó ná nǔnywɛ́ tomɛxó lɛ́ɛ.
Français 105.22
Afin qu’il pût à son gré enchaîner ses princes, Et qu’il enseignât la sagesse à ses anciens.
Fongbè 105.23
Énɛ́ ɔ́ gúdo ɔ́, Izlayɛ́li wá cí Ejípu, Jakɔ́bu nyí jǒnɔ ɖo Cámu.
Français 105.23
Alors Israël vint en Égypte, Et Jacob séjourna dans le pays de Cham.
Fongbè 105.24
Mawu bló bɔ togun tɔn gba kún, bó syɛ́n hú kɛntɔ́ tɔn lɛ́ɛ.
Français 105.24
Il rendit son peuple très fécond, Et plus puissant que ses adversaires.
Fongbè 105.25
Mawu húzú kɛntɔ́ lɛ́ɛ sín ayixa káká bɔ yě gbɛ́ wǎn nú togun tɔn, bó nɔ́ wa alǎnnú xá yě.
Français 105.25
Il changea leur cœur, au point qu’ils haïrent son peuple Et qu’ils traitèrent ses serviteurs avec perfidie.
Fongbè 105.26
Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.
Français 105.26
Il envoya Moïse, son serviteur, Et Aaron, qu’il avait choisi.
Fongbè 105.27
Mɔyízi kpódó Aalɔ́ɔn kpó jlɛ́ nǔjíwǔ tɛnmɛ tɛnmɛ ɖo Ejípu togun ɔ́ mɛ, ɖo Mawu sín nyǐkɔ mɛ; yě jlɛ́ nǔ tɛnmɛ tɛnmɛ ɖo Cámu.
Français 105.27
Ils accomplirent par son pouvoir des prodiges au milieu d’eux, Ils firent des miracles dans le pays de Cham.
Fongbè 105.28
Mawu dɔn zǐnflú wá, bɔ to ɔ́ byɔ́ ablu gɔngɔn mɛ; mɛɖé ká gbɛ́ xó tɔn ǎ.
Français 105.28
Il envoya des ténèbres et amena l’obscurité, Et ils ne furent pas rebelles à sa parole.
Fongbè 105.29
É sɔ́ sin yětɔn dó húzú kanjɔ, bó hu hweví e ɖo tɔ yětɔn mɛ lɛ́ɛ.
Français 105.29
Il changea leurs eaux en sang, Et fit périr leurs poissons.
Fongbè 105.30
Běsé gɔ́ to ɔ́ mɛ káká bó kpé axɔ́sú ɔ́ xwé.
Français 105.30
Le pays fourmilla de grenouilles, Jusque dans les chambres de leurs rois.
Fongbè 105.31
É ná gbe kpowun bɔ asɔfin ɖé lɛ́ɛ wá, bɔ jɔ̌ kpé to yětɔn mɛ bǐ.
Français 105.31
Il dit, et parurent les mouches venimeuses, Les poux sur tout leur territoire.
Fongbè 105.32
É sɛ́ kɛ́njí dó yě ɖó jǐ tɛn mɛ, é sɛ́ myɔ dó to yětɔn mɛ.
Français 105.32
Il leur donna pour pluie de la grêle, Des flammes de feu dans leur pays.
Fongbè 105.33
É hɛn vǐwungbo yětɔn lɛ́ɛ kpó fígigbo yětɔn lɛ́ɛ kpó gblé, é hu atín e ɖo to yětɔn mɛ lɛ́ɛ.
Français 105.33
Il frappa leurs vignes et leurs figuiers, Et brisa les arbres de leur contrée.
Fongbè 105.34
É ná gbe kpowun bɔ wɛn tɔ́n, wɛn ɖo kpɔ́ gěgé;
Français 105.34
Il dit, et parurent les sauterelles, Des sauterelles sans nombre,
Fongbè 105.35
wɛn ɖu gběhan e ɖo to ɔ́ mɛ lɛ́ɛ bǐ, wɛn ɖu nǔ e ɖo gle yětɔn jí lɛ́ɛ bǐ.
Français 105.35
Qui dévorèrent toute l’herbe du pays, Qui dévorèrent les fruits de leurs champs.
Fongbè 105.36
Mawu hu nukɔn ví e ɖo to yětɔn mɛ lɛ́ɛ bǐ, bɔ nǔ nukɔn tɔn e yě sɔ́ hlɔ̌nhlɔ́n yětɔn dó wa lɛ́ɛ bǐ kú.
Français 105.36
Il frappa tous les premiers-nés dans leur pays, Toutes les prémices de leur force.
Fongbè 105.37
É ɖe togun tɔn tɔ́n; kpatágan kpó siká kpó sín agban wɛ yě dǒ bó tɔ́n; mɛ e ɖo akɔta tɔn lɛ́ɛ mɛ lɛ́ɛ ɖě nɔ gǔdo ǎ.
Français 105.37
Il fit sortir son peuple avec de l’argent et de l’or, Et nul ne chancela parmi ses tribus.
Fongbè 105.38
Ée yě xweyǐgbe ɔ́, é víví nú Ejípunu lɛ́ɛ káká, ɖó yě ɖo xɛsi ɖi dó yě wú wɛ bɔ é vɛ́ jlɛ́.
Français 105.38
Les Égyptiens se réjouirent de leur départ, Car la terreur qu’ils avaient d’eux les saisissait.
Fongbè 105.39
Mawu sɛ́ akpɔ́kpɔ́ dó bɔ é cyɔ́n yě, é sɛ́ myɔ dó yě bɔ yě nɔ́ dó mɔ nukúnnú zǎn mɛ.
Français 105.39
Il étendit la nuée pour les couvrir, Et le feu pour éclairer la nuit.
Fongbè 105.40
Yě byɔ́, bɔ é ná xɛ e è nɔ ylɔ́ ɖɔ káyi lɛ́ɛ yě; é nɔ́ sɛ́ wɔ̌xúxú dó yě sín jǐxwé, bɔ yě nɔ́ ɖu gɔ́ xo.
Français 105.40
A leur demande, il fit venir des cailles, Et il les rassasia du pain du ciel.
Fongbè 105.41
É ɖe ali dó só mɛ nú yě bɔ sin nɔ tɔ́n sín mɛ, bó nɔ́ sa gbɔn axéko ɔ́ jí bǐ tɔ ɖɔhun.
Français 105.41
Il ouvrit le rocher, et des eaux coulèrent; Elles se répandirent comme un fleuve dans les lieux arides.
Fongbè 105.42
É flín akpá mímɛ́ e é dó é, akpá e é dó nú mɛsɛntɔ́ tɔn Ablaxámu é.
Français 105.42
Car il se souvint de sa parole sainte, Et d’Abraham, son serviteur.
Fongbè 105.43
É ɖe togun tɔn tɔ́n kpó awǎjijɛ kpó, é ɖe mɛ e é cyán lɛ́ɛ tɔ́n kpó awǒbóbó kpó.
Français 105.43
Il fit sortir son peuple dans l’allégresse, Ses élus au milieu des cris de joie.
Fongbè 105.44
É sɔ́ akɔta lɛ́ɛ sín ayǐkúngban jó nú yě, bɔ nǔ e togun ɖěvo lɛ́ɛ wa lɛ́ɛ húzú yětɔn
Français 105.44
Il leur donna les terres des nations, Et ils possédèrent le fruit du travail des peuples,
Fongbè 105.45
bónú yě ná hɛn sɛ́n tɔn lɛ́ɛ, bó ná bló nǔ e é ɖɔ lɛ́ɛ. Mi kpa Mawu Mavɔmavɔ!
Français 105.45
Afin qu’ils gardassent ses ordonnances, Et qu’ils observassent ses lois. Louez l’Éternel!